21918 ۔۔۔ عبداللہ بن ریاح حضرت ابو قتادہ (رض) سے روایت کرتے ہیں کہ ایک مرتبہ رسول اللہ (صلی اللہ علیہ وآلہ وسلم) نے سیدنا حضرت ابوبکر صدیق (رض) سے فرمایا : آپ کب وتر پڑھتے ہیں ؟ سیدنا حضرت ابوبکر صدیق (رض) نے جواب دیا یا رسول اللہ (صلی اللہ علیہ وآلہ وسلم) رات کے اول حصہ میں وتر پڑھتا ہوں ۔ پھر آپ (صلی اللہ علیہ وآلہ وسلم) نے سیدنا حضرت عمر ابن خطاب (رض) سے پوچھا آپ کس وقت وتر پڑھتے ہیں ؟ انھوں نے جواب دیا میں رات کے آخری حصہ میں وتر پڑھتا ہوں چنانچہ حضور اکرم (صلی اللہ علیہ وآلہ وسلم) نے سیدنا حضرت ابوبکر صدیق (رض) سے فرمایا : آپ نے امر قطعی پر اپنی گرفت مضبوط کرلی ہے اور سیدنا حضرت عمر ابن خطاب (رض) سے فرمایا : آپ نے قوت کا دامن تھام لیا ہے (ابن جریر وابو نعیم)