21932 ۔۔۔ معمر ، قتادہ (رح) سے روایت کرتے ہیں کہ ایک آدمی نے ابن مسیب (رح) سے وتروں کے بارے میں سوال کیا تو انھوں نے جواب دیا کہ رسول اللہ (صلی اللہ علیہ وآلہ وسلم) وتر پڑھتے تھے اور اگر تم چھوڑ دو تو کوئی حرج نہیں آپ (صلی اللہ علیہ وآلہ وسلم) نے چاشت کی نماز پڑھھی ہے اگر تم چھوڑ دو تو کوئی حرج نہیں آپ (صلی اللہ علیہ وآلہ وسلم) نے دو رکعتیں ظہر سے قبل اور دو رکعتیں ظہر کے بعد پڑھی ہیں ، اگر تم چھوڑ دو کوئی حرج نہیں ، آپ (صلی اللہ علیہ وآلہ وسلم) نے چاشت کی نماز بھی پڑھی ہے اگر تم اسے چھوڑ دو کوئی حرجم نہیں وہ آدمی بولا : اے ابو محمد ! یہ سب ہم نے جان لیا ہمیں وتروں کے متعلق کچھ بتائیے ابن مسیب (رح) نے فرمایا : ہمیں حدیث پہنچی ہے کہ رسول اللہ (صلی اللہ علیہ وآلہ وسلم) نے ارشاد فرمایا : اے اہل قرآن وتر پڑھا کرو بلاشبہ اللہ تبارک وتعالیٰ وتر (طاق) ہے اور وتروں کو پسند فرماتا ہے۔ (رواہ عبدالرزاق)