21957 ۔۔۔ عبید بن عمیر (رض) کی روایت ہے کہ سیدنا حضرت عمر ابن خطاب (رض) نے رکوع کے بعد یہ قنوت پڑھی ۔ ” اللہم اغفرلنا وللمؤمنین والمؤمنات والمسلمین والمسلمات والف بین قلوبھم واصلح ذات بینھم وانصرھم علی عدوک وعدوھم ، اللہم العن کفرۃ اھل الکتاب یصدون عن سبیلک ویکذبون رسلک ویقاتلون اولیاء ک اللھم خالف بین کلمتھم وزلزل اقدامھم وانزل بھم باسک الذی لاتردہ عن القوم المجرمین “۔ (رواہ البیہقی) یا اللہ ! ہماری مغفرت فرما ۔ مومن مرد ، مومن عورتوں ، مسلمان مرد مسلمان عورتوں اور ان کے دلوں میں محبت ڈال دے ان کے آپس کے باہمی تعلقات بہتر کر دے دشمن کے خلاف ان کی مدد فرمایا اللہ ! کفار اہل کتاب پر لعنت کر جو تیرے راستے سے روکتے ہیں اور تیرے رسولوں کو جھٹلاتے ہیں تیرے اولیاء کو قتل کرتے ہیں یا اللہ ! کافروں کے کام میں مخالفت ڈال دے اور ان کے قدموں کو ہلا دے اور ان پر ایسا عذاب نازل کر جو مجرموں سے تو واپس نہیں کرتا ۔