21969 ۔۔۔ ھشیم کی روایت ہے کہ حصین کہتے ہیں : ایک دن میں نے فجر کی نماز پڑھائی میرے پیچھے عثمان بن زیادہ بھی کھڑے پڑھ رہے تھے ۔ جب میں نے اپنی نماز پوری کی تو عثمان نے مجھ سے کہا : تم نے اپنی قنوت میں کیا پڑھا ہے۔ میں نے کہا : میں نے یہ کلمات پڑھے ہیں۔ ” اللہم انا نستعینک ونستغفرک ونثنی علیک الخیر کلہ نشکرک ولا نکفرک ونخلع ونترک من یفجرک اللہم ایاک نعبد ولک نصلی ونسجد ، والیک نسعی ونحفد ونرجو رحمتک ونخشی عذابک ان عذابک بالکفار ملحق “۔ عثمان بولے ! سیدنا حضرت عمر ابن خطاب (رض) اور سیدنا حضرت عثمان ذوالنورین (رض) یہی قنوت پڑھتے تھے ۔ (رواہ ابن ابی شیبہ)