22032 ۔۔۔ ابن جریر کہتے ہیں میں نے یحییٰ بن سعید کے بھائی عبدربہ بن سعید کو سنا ہے وہ اپنے دادا سے روایت کر رہے تھے کہ وہ صبح کے وقت مسجد کی طرف نکلے اتنے میں حضور اکرم (صلی اللہ علیہ وآلہ وسلم) نے نماز شروع کردی لیکن انھوں نے فجر کی دو سنتیں نہیں پڑھی تھیں ۔ چنانچہ حضور اکرم (صلی اللہ علیہ وآلہ وسلم) کے ساتھ جماعت میں شریک ہوگئے جب نماز سے فارغ ہوئے تو کھڑے ہوگئے اور دو سنتیں پڑھیں ۔ حضور اکرم (صلی اللہ علیہ وآلہ وسلم) ان کے پاس سے گزرے اور فرمایا : یہ کونسی نماز ہے ؟ انھوں نے جواب دیا : میں نے سنتیں پڑھی ہیں۔ چنانچہ آپ (صلی اللہ علیہ وآلہ وسلم) آگے بڑھ گئے اور کچھ نہیں فرمایا ۔ (رواہ عبدالرزاق)