22054 ۔۔۔ عبدالرزاق کی روایت ہے کہ اہل مکہ کہتے ہیں کہ ابن جریج نے نماز عطاء سے حاصل کی انھوں نے ابن زبیر سے اور ابن زبیر نے حضرت ابوبکر (رض) سے اور انھوں نے براہ راست نبی کریم (صلی اللہ علیہ وآلہ وسلم) سے چنانچہ ہم نے ابن جریج سے زیادہ اچھی طرح نماز پڑھنے والا کسی کو نہیں دیکھا (احمد بن حنبل ، دارقطنی فی الافراد) اور دارقطنی کا کہنا ہے کہ اس حدیث میں عبدالرزاق ابن جریج سے متفرد ہیں۔ ” امام بیہقی نے بھی یہ حدیث روایت کی ہے اور ان کی روایت میں اتنا اضافہ ہے کہ حضور اکرم (صلی اللہ علیہ وآلہ وسلم) نے نماز جبرائیل امین (علیہ السلام) سے حاصل کی اور جبرائیل (علیہ السلام) نے اللہ تبارک وتعالیٰ سے ۔ عبدالرزاق کہتے ہیں کہ ابن جریج نماز میں رفع یدین کرتے تھے ۔