22096 ۔۔۔ غزوان بن جریر اپنے والد سے روایت کرتے ہیں کہ وہ ہمہ وقت سیدنا حضرت علی المرتضی (رض) کے ساتھ چمٹے رہتے تھے کہتے ہیں کہ سیدنا حضرت علی المرتضی (رض) جب نماز کے لیے کھڑے ہوتے تکبیر کہتے اور دائیں ہاتھ سے بائیں ہاتھ کے پہنچے کو پکڑ لیتے اور پھر رکوع تک یہی کیفیت رہی ۔ الا یہ کہ بدن کو خارش کرنا مقصود ہوتا یا کپڑے کو کہیں سے درست کرنے کی نوبت آتی جب سلام پھیرتے تو دائیں جانب سلام پھیرتے اور کہتے سلام علیکم پھر بائیں جانب سلام پھیرتے صرف اپنے ہونٹوں کو حرکت دیتے ہمیں معلوم نہ ہوتا کہ وہ کیا کہہ رہے ہیں۔ پھر کہتے : ” لا الہ الا اللہ وحدہ لا شریک لہ ولا حول ولا قوۃ الا باللہ لا نعبد الا ایاہ “۔ پھر لوگوں کی طرف متوجہ ہوتے اور انھیں اس کی پروا نہ ہوتی کہ آیا دائیں طرف سے مڑے ہیں یا بائیں طرف سے ۔ (ابوالحسن فی فوائدہ بیہقی) امام بیہقی نے اس حدیث کو حسن قرار دیا ہے۔