22210 ۔۔۔ ثعلبہ (رض) کی روایت ہے کہ ایک مرتبہ رسول اللہ (صلی اللہ علیہ وآلہ وسلم) نماز پڑھ رہے تھے اچانک ایک آدمی کو کہتے سنا : ” الحمد للہ حمدا کثیرا طیبا مبارکا فیہ کما یبغی لکرم وجہ ربنا عزوجل “۔ جب رسول اللہ (صلی اللہ علیہ وآلہ وسلم) نماز سے فارغ ہوئے تو فرمایا : یہ کلمات کس آدمی نے کہے ہیں : بخدا ! میں نے بارہ فرشتوں کو دوڑتے دیکھا ہے پھر رسول اللہ (صلی اللہ علیہ وآلہ وسلم) غور کے ساتھ آنکھوں سے دیکھنے لگے حتی کہ پردے چھاگئے پھر آپ (صلی اللہ علیہ وآلہ وسلم) نے فرمایا : یہ کلمات قیامت کے دن تیرے لیے عمدہ خاتمہ بن جائیں گے ۔ (طبرانی فی الاوسط)