22255 ۔۔۔ عبداللہ بن حنظلہ بن راہب کہتے ہیں کہ ایک مرتبہ سیدنا حضرت عمر ابن خطاب (رض) نے ہمیں مغرب کی نماز پڑھائی اور پہلی رکعت میں قرات بالکل نہیں کی اور جب دوسری رکعت کے لیے کھڑے ہوئے تو سورت فاتحہ اور ایک سورت پڑھی ۔ پھر اگلی رکعت میں بھی سورت فاتحہ اور سورت پڑھی پر سلام پھیرنے کے بعد دو سجدے کیے ۔ ایک روایت میں ہے کہ آپ (رض) نے پہلے دو سجدے کیے اور پھر سلام پھیرا ۔ (رواہ عبدالرزاق، وابن سعد والحارث و بیہقی)