22304 ۔۔۔ سائب بن یزید کی روایت ہے کہ میں نے حضرت عثمان (رض) کے پیچھے فجر کی نماز پڑھی انھوں نے سورت ” ص “ پڑھی اور اس میں سجدہ تلاوت کیا پھر کھڑے ہوئے اور بقیہ سورت پڑھی اور پھر رکوع کیا نماز سے فارغ ہونے کے بعد کسی نے پوچھا : اے امیر المؤمنین ! کیا سجدہ تلاوت فرائض میں سے ہے۔ آپ (رض) نے فرمایا : رسول اللہ (صلی اللہ علیہ وآلہ وسلم) نے سجدہ کیا ہے۔ (ابن مردویہ) فائدہ : ۔۔۔ یعنی ہمیں سجدہ تلاوت کے فرض واجب یا سنت ہونے سے بحث نہیں کرنی چاہیے ۔ چنانچہ قطع نظر اس کے جب رسول اللہ (صلی اللہ علیہ وآلہ وسلم) نے سجود تلاوت کیے ہیں تو ہمیں بھی کرنے چاہئیں الغرض سجود تلاوت بعض آیات میں واجب ہیں اور بعض آیات میں مسنون ۔ تفصیل کے لیے بحرالرئق فتح القدیر اور بدائع الصنائع کو دیکھ لیا جائے ۔