22337 ۔۔۔ عون بن عبداللہ بن عتبہ بن مسعود کہتے ہیں کہ مجھے والد صاحب نے تشہد کے کلمات سکھائے جو انھیں سیدنا حضرت عمر ابن خطاب (رض) نے سکھائے تھے وہ یہ ہیں۔ ” التحیات للہ والصلوات والطیبات المبارکات للہ السلام علینا وعلی عباد اللہ الصالحین ، اشھد ان لا الہ الا اللہ واشھد ان محمدا عبدہ ورسولہ “۔ تمام تعریفیں اور برکت بدنی ومالی عبادتیں اللہ ہی کے لیے ہیں۔ ہمارے اوپر اور اللہ تعالیٰ کے نیک بندوں پر سلامتی ہو میں گواہی دیتا ہوں کہ اللہ تبارک وتعالیٰ کے سوا کوئی عبادت کے لائق نہیں اور گواہی دیتا ہوں کہ محمد اللہ تعالیٰ کے بندے اور اس کے رسول ہیں۔ (طبرانی الاوسط)