22350 ۔۔۔ اسی طرح حضرت عبداللہ ابن مسعود (رض) کی روایت ہے کہ رسول اللہ (صلی اللہ علیہ وآلہ وسلم) نے مجھے تشہد سکھایا دراں حالیکہ میرا ہاتھ آپ (صلی اللہ علیہ وآلہ وسلم) کے ہاتھ میں پیوست تھا مجھے تشہد اس طرح سکھایا جس طرح کہ قرآن مجید کی کوئی سورت سکھاتے تھے وہ یہ ہے۔ لتحیات للہ والصلوات والطیبات السلام علیک ایھا النبی و رحمۃ اللہ وبرکاتہ السلام علینا وعلی عباد اللہ الصالحین اشھد ان لا الہ الا اللہ واشھد ان محمدا عبدہ ورسولہ “۔ (رواہ ابن ابی شیبۃ) تمام تعریفیں اللہ تعالیٰ ہی کے لیے ہیں اور مالی وبدنی عبادات بھی اللہ ہی کے لیے ہیں ، اے نبی تم پر سلامتی ہو اور اللہ کی رحمتیں اور برکتیں نازل ہوں ہمارے اوپر اور اللہ کے نیک بندوں پر سلام ہو میں گواہی دیتا ہوں کہ اللہ تعالیٰ کے سوال کوئی معبود نہیں اور گواہی دیتا ہوں کہ محمد اللہ کے بندے اور اس کے رسول ہیں۔