22389 ۔۔۔ عبدالرحمن بن غنم کی روایت ہے کہ ابو مالک اشعری (رض) نے اپنی قوم سے کہا کہ کھڑے ہوجاؤ تاکہ میں تمہیں حضور اکرم (صلی اللہ علیہ وآلہ وسلم) کی نماز پڑھاؤں پس ہم نے ابو مالک (رض) کے پیچھے صفیں درست کیں پھر انھوں نے تکبیر کہہ کر سورت فاتحہ پڑھی اور اتنی اونچی آواز سے پڑھی کہ ان کے پاس کھڑا آدمی سن سکے پھر تکبیر کہہ کر رکوع کیا اور تکبیر ہی کہہ کر رکوع سے سر اٹھایا اور پھر اپنی پوری نماز میں اسی طرح کیا ۔ (رواہ عبدالرزاق، عقیلی فی الضعفاء)