22397 ۔۔۔ حضرت انس بن مالک (رض) کی روایت ہے کہ انھوں نے ایک مرتبہ اپنے شاگردوں کو حضور اکرم (صلی اللہ علیہ وآلہ وسلم) کی نماز کا طریقہ بتایا چنانچہ حضرت انس بن مالک (رض) کھڑے ہوئے اور نماز پڑھنے لگے پھر رکوع کیا اور سر کونہ زیادہ بلند کیا اور نہ ہی زیادہ نیچے جھکایا بلکہ درمیان میں رکھا پھر اطمینان سے سیدھے کھڑے ہوئے حتی کہ ہم سمجھے کہ آپ (رض) کہیں بھول نہ گئے ہوں پھر اطمینان سے سجدہ کیا اور تسلی سے بیٹھ گئے حتی کہ ہم سمجھے کہ کہیں بھول نہ گئے ہوں ۔ (رواہ ابن ابی شیبۃ)