22403 ۔۔۔ خالد بن لجلاج کی روایت ہے کہ سیدنا حضرت عمر ابن خطاب (رض) نے ایک دن لوگوں کو نماز پڑھائی اور جب دو رکعتوں کے بعد بیٹھے تو کافی دیر تک بیٹھے رہے جب کھڑے ہوئے تو پیچھے ہٹے اور ہاتھ سے ایک آدمی کو پکڑ کر آگے بڑھایا اور اپنی جگہ لاکھڑا کیا ، پھر عصر کی نماز کے لیے تشریف لائے اور لوگوں کو نماز پڑھائی جب نماز سے فارغ ہوئے تو منبر پر کھڑے ہو کر حمد وثناء کے بعد فرمایا : اما بعد اے لوگو ! میں نے نماز کے لیے وضو کیا تھا کہ اسی اثناء میں میں اپنے اہل خانہ کی ایک عورت کے پاس سے گزرا اور میں تھوڑی دیر کے لیے اس کے ساتھ مشغول ہوگیا چنانچہ جب میں نماز میں تھا تو میں نے کچھ تری محسوس کی تو میں نے اپنے آپ کو دو اختیار دیئے اول یہ کہ میں تم سے حیاء کر جاؤں اور اللہ تعالیٰ کے سامنے جرات کا اظہار کرلوں ۔ دوم یہ کہ یا تو میں اللہ تعالیٰ سے حیاء کرو اور تمہارے سامنے جرات کا اظہار کروں حالانکہ مجھے یہ بات زیادہ محبوب تھی کہ میں اللہ تبارک وتعالیٰ سے حیا کرو اور تمہارے سامنے جرات کرلوں لہٰذا میں فورا باہر نکلا اور وضو کیا پھر از سرنو نماز پڑھی ، پس تم میں سے جس کو بھی میری جیسی کیفیت لاحق ہو اسے میرے ہی جیسا معاملہ کرنا چاہے ۔ (بیہقی ابن ابی شیبۃ)