22407 ۔۔۔ حضرت علی (رض) کی روایت ہے کہ ایک مرتب ہم (جماعت صحابہ کرام رضوان اللہ تعالیٰ عنہم اجمعین نے) رسول اللہ (صلی اللہ علیہ وآلہ وسلم) کے ساتھ نماز پڑھی یکایک آپ (صلی اللہ علیہ وآلہ وسلم) نماز سے واپس لوٹ گئے دراں حالیکہ ہم نماز ہی میں کھڑے تھے پھر (تھوڑی دیر کے بعد) آپ (صلی اللہ علیہ وآلہ وسلم) تشریف لائے اور آپ کے سر مبارک سے پانی کے قطرے ٹپک رہے تھے آپ (صلی اللہ علیہ وآلہ وسلم) نے پھر ہمیں نماز پڑھائی اور نماز کے بعد فرمایا : جب میں نماز میں کھڑا ہوچکا پھر مجھے یاد آیا کہ میں جنابت کی حالت میں ہوں اور بغیر غسل کے نماز میں کھڑا ہوگیا ہوں اور تم میں سے جس کے دل میں بھی کوئی ایسی بات ہو اور اس کی کیفیت میری جیسی ہو اسے چاہیے کہ واپس لوٹ جائے حتی کہ جب اپنی حاجت یا غسل سے فارغ ہو تو واپس لوٹ آئے اور نماز ادا کرے ۔ (احمد بن حنبل)