22420 ۔۔۔ شیبہ بن مساور ، حکم بن مرہ (رض) سے روایت کرتے ہیں کہ انھوں نے ایک آدمی کو بری طرح سے نماز پڑھتے ہوئے دیکھا آپ (رض) چل کر اس کے پاس گئے اور کہا نماز دوبارہ پڑھو (وہ آدمی بولا میں نماز پڑھ چکا ہوں فرمایا : نماز پڑھو اس نے پھر کہا : میں تو نماز پڑھ چکا ہوں ، چنانچہ آپ (رض) نے بارہا اسے نماز لوٹانے کا کہا اور فرمایا : بخدا تم ضرور نماز دوبارہ پڑھو اور کھلم کھلے اللہ تبارک وتعالیٰ کی نافرمانی مت کرو ۔ (رواہ ابو نعیم)