22435 ۔۔۔ اسی طرح حضرت ابوہریرہ (رض) کی روایت ہے کہ ایک مرتبہ رسول (صلی اللہ علیہ وآلہ وسلم) نے قبلہ رو تھوک دیکھی آپ (صلی اللہ علیہ وآلہ وسلم) نے مٹی کے ڈھیلے سے یا کسی اور چیز سے تھوک صاف کی پھر فرمایا : کہ جب بھی تم میں سے کوئی آدمی نماز میں ہو وہ نہ اپنے سامنے کی طرف تھوکے اور نہ ہی دائیں طرف چونکہ (سامنے قبلہ ہے اور) دائیں طرف فرشتہ ہوتا ہے البتہ بائیں جانب تھوکے یا پاؤں کے نیچے تھوک لے (رواہ عبدالرزاق) فائدہ :۔۔۔ یہ حکم اس وقت ہے جب مسجد میں مٹی ریت یا کنکریاں بچھائی ہوئی ہوں اور تھوکنے سے کسی دوسرے کو اذیت نہ پہنچتی ہو ورنہ عام طور پر مساجد میں قالین اور کا رپٹ بچھائے جاتے ہیں اور مساجد میں فرش کیا جاتا ہے اس حالت میں یا تو قالین آلودہ ہونے کا خدشہ ہے یا پختا فرش تھوک کے باقی رہنے کا اندیشہ ہے جس سے نمازیوں کو سخت اذیت پہنچ سکتی ہے لہٰذا اب یہ حکم نہیں رہا ہاں البتہ کسی کے پاس رومال ہے اس میں وہ تھوک اور بلغم کو صاف کرسکتا ہے۔