22440 ۔۔۔ حضرت ابن عمر (رض) فرماتے ہیں کہ نمازی کو (نماز میں) جب کوئی سلام کر دے تو اسے نہ کلام کرنا چاہیے اور نہ ہی کسی قسم کا اشارہ کرنا چاہے چونکہ کلام اور اشارہ بھی سلام کے جواب کے حکم میں ہے (رواہ عبدالرزاق) فائدہ :۔۔۔ بدائع الصنائع میں سترہ مقام ایسے بیان کیے گئے ہیں کہ جہاں سلام کرنا ممنوع ہے ان میں سے ایک جگہ یہ بھی ہے کہ جو آدمی نماز پڑھ رہا ہو اسے سلام نہ کیا جائے اور سلام کا جواب دینا خواہ کسی طرح بھی ہو کلام کے زمرہ میں آتا ہے اور نماز میں کلام کرنا جائز نہیں ہے۔