22480 ۔۔۔ ” مسند تمیم داری (رض) “ عروہ بن زبیر کہتے ہیں کہ مجھے تمیم داری (رض) نے حدیث سنائی ہے کہ انھوں نے ایک مرتبہ عصر کے بعد دو رکعتیں پڑھیں جب کہ قبل ازیں حضرت عمر (رض) منع کرچکے تھے چنانچہ سیدنا حضرت عمر ابن خطاب (رض) ان کے پاس آئے اور انھیں درے سے مارا تمیم (رض) نے نماز ہی میں سیدنا حضرت عمر ابن خطاب (رض) نے فرمایا : ان دو رکعتوں کے پڑھنے پر حالانکہ میں ان سے منع بھی کرچکا ہوں تمیم (رض) نے کہا : میں یہ دو رکعتیں آپ سے بہتر ہستی یعنی رسول اللہ (صلی اللہ علیہ وآلہ وسلم) کے ساتھ پڑھ چکا ہوں سیدنا حضرت عمر ابن خطاب (رض) نے فرمایا : تم لوگوں کی جماعت (جماعت صحابہ کرام رضوان اللہ تعالیٰ عنہم اجمعین) کا مجھے خوف نہیں ہے مجھے تو بعد میں آنے والے لوگوں کا خوف ہے کہ وہ عصر تا مغرب نماز پڑھتے رہیں گے حتی کہ اس گھڑی میں بھی نماز پڑھیں گے جس میں حضور اکرم (صلی اللہ علیہ وآلہ وسلم) نے نماز پڑھنے سے منع فرمایا ہے اور پھر یہ لوگ کہیں گے ہم نے فلاں فلاں کو عصر کے بعد نماز پڑھتے دیکھا ۔ (رواہ ابن جریر)