22485 ۔۔۔ حضرت ابوہریرہ (رض) کی روایت ہے کہ ایک مرتبہ حضرت صفوان بن معطل (رض) نے رسول اللہ (صلی اللہ علیہ وآلہ وسلم) سے عرض کیا : یا نبی اللہ ! میں آپ سے سوال کرتا ہوں کہ دن اور رات میں کوئی ایسی گھڑی ہے جس میں نماز پڑھنا مکروہ ہو ؟ آپ (صلی اللہ علیہ وآلہ وسلم) نے فرمایا جی ہاں ! جب تم صبح کی نماز پڑھ چکو تو اس کے بعد نماز چھوڑ دو حتی کہ سورج طلوع ہوجائے چونکہ سورج شیطان کے سینگوں کے درمیان طلوع ہوتا ہے۔ پھر اس کے بعد نماز پڑھو یہ نماز مقبول ہے حتی کہ سورج تمہارے سر پر نیزے کی طرح کھڑا ہوجائے تو اس وقت میں بھی نماز چھوڑ دو چونکہ اس وقت جہنم کو دھکایا جاتا ہے اور اس کے دروازے کھول دیئے جاتے ہیں۔ حتی کہ جب سورج ڈھلنے لگے تو عصر تک نماز پڑھ سکتے ہو پھر عصر کے بعد غروب آفتاب تک نماز چھوڑ دو ۔ (ابن جریر وابن مندہ وقال ھذا حدیث صحیح عزیز غریب و بیہقی وابن عساکر)