22499 ۔۔۔ ابو عالیہ (رح) کی روایت ہے کہ ایک مرتبہ میں نے حضرت عبداللہ بن صامت (رض) جو کہ حضرت ابو ذر (رض) کے بھتیجے تھے سے امراء کے متعلق پوچھا جو کہ نماز کو تاخیر سے پڑھیں گے چنانچہ انھوں نے میرے گھٹنوں پر مارا اور کہا کہ میں نے بھی ایسا سوال حضرت ابو ذر (رض) سے پوچھا تھا انھوں نے بھی میرے ساتھ ایسا ہی کیا تھا جیسا کہ میں نے تیرے ساتھ کیا ہے (یعنی انھوں نے بھی مجھے گھٹنوں پر تھپڑ مارا تھا) ن چنانچہ انھوں نے فرمایا : نماز کو وقت پر پڑھو اور اگر تم ان امراء (کی اقتداء میں ان) کے ساتھ نماز کو پالو تو دوبارہ پڑھ لو اور مت کہو کہ میں نماز پڑھ چکا ہوں لہٰذا اب نہیں پڑھوں گا (رواہ عبدالرزاق)