22503 ۔۔۔ ابن سیرین (رح) کی روایت ہے کہ ایک مرتبہ حضرت عبداللہ ابن مسعود (رض) نے اپنے شاگردوں سے فرمایا : مجھے وقت کے متعلق تمہاری کوئی پروا نہیں اور پھر آپ (رض) نے اپنے شاگردوں سمیت زوال شمس کے بعد ظہر کی نماز پڑھی اور پھر فرمایا : عنقریب تمہارے اوپر کچھ ایسے لوگ حکمران ہوں گے جو نماز کو تاخیر سے پڑھیں گے لہٰذا تم وقت پر نماز پڑھنا اگر تم ان کے ساتھ بھی نماز کو پالو تو پڑھ لو ۔ (رواہ عبدالرزاق فی مصنفہ)