22542 ۔۔۔ ” مسندحذیفہ بن یمان (رض) “ زید بن وھب (رض) کہتے ہیں کہ ایک مرتبہ حضرت حذیفہ (رض) مسجد میں تشریف لائے اچانک دیکھتے ہیں کہ ایک آدمی نماز میں مشغول ہے لیکن نہ رکوع اہتمام سے کرتا ہے اور نہ ہی سجدہ جب وہ نماز سے فارغ ہوا تو حذیفہ (رض) نے اس سے کہا تم کتنے عرصہ سے اس طرح نماز پڑھ رہے ہو ؟ اس نے جواب دیا : چالیس سال سے آپ (رض) نے فرمایا : تب تو تم نے چالیس سال سے نماز ہی نہیں پڑھی ، بالفرض اگر اسی حالت پر تمہاری موت ہوگئی تو تمہاری موت سنت محمد (صلی اللہ علیہ وآلہ وسلم) پر نہیں ہوگی جسے آپ (صلی اللہ علیہ وآلہ وسلم) نے قائم کیا تھا ۔ پھر آپ (رض) نے اس آدمی کو اہتمام کے ساتھ نماز پڑھنے کا طریقہ سمجھایا اور پھر فرمایا : بعض لوگ ایسے بھی ہیں جو نماز تو خفیف (ہلکی سی) پڑھتے ہیں لیکن رکوع و سجدہ اہتمام سے کرتے ہیں۔ (عبدالرزاق ، ابن ابی شیبۃ ، والبخاری فی کتاب الصلوۃ والنسائی)