22571 ۔۔۔ امام مالک (رح) کی روایت ہے کہ مجھے خبر پہنچی ہے کہ سیدنا حضرت عثمان ذوالنورین (رض) کے پاس ایک آدمی آیا اس کے ساتھ ایک اور آدمی بھی تھا اور اس کی ناک ٹوٹی ہوئی تھی پہلا آدمی بولا ، میں نماز پڑھ رہا تھا کہ یہ میرے سامنے سے گزرنے لگا میں نے نمازی کے آگے سے گزرنے والے کا حکم سن رکھا ہے سیدنا حضرت عثمان ذوالنورین (رض) نے فرمایا : اے بھتیجے ! تم نے بہت برا کیا اپنی نماز بھی ضائع کی اور اس کی ناک بھی توڑ ڈالی (رواہ عبدالرزاق)