22607 ۔۔۔ ” مسند اسامہ (رض) “ حضرت اسامہ (رض) کی روایت ہے کہ ایک مرتبہ میں رسول اللہ (صلی اللہ علیہ وآلہ وسلم) کے ساتھ تھا کہ اچانک ایک جنازہ آپ (صلی اللہ علیہ وآلہ وسلم) کے پاس لایا گیا تاکہ آپ اس پر نماز جنازہ پڑھیں ۔ آپ (صلی اللہ علیہ وآلہ وسلم) نے ایک طرف جو دیکھا تو سامنے سے ایک عورت آرہی تھی ، آپ (صلی اللہ علیہ وآلہ وسلم) نے فرمایا : اسے واپس کر دو ، چنانچہ صحابہ کرام رضوان اللہ تعالیٰ عنہم اجمعین نے اس عورت کو واپس کردیا حتی کہ وہ نظروں سے اوجھل ہوگئی تب رسول اللہ (صلی اللہ علیہ وآلہ وسلم) نے جنازہ پر تکبیر کہی ۔ (الطبرانی عن اسامہ بن شریک)