22611 ۔۔۔ ” مسند ابی قتادہ (رض) “۔ حضرت ابو قتادہ (رض) کی روایت ہے کہ حضور اکرم (صلی اللہ علیہ وآلہ وسلم) نماز پڑھتے تھے اور آپ کی نواسی امامہ بنت زنیب جو کہ ابو العاص بن ربیع بن عبدالعزی کی بیٹی ہے آپ (صلی اللہ علیہ وآلہ وسلم) کی گردن مبارک پر ہوتی جب آپ رکوع کرتے اسے نیچے رکھ دیتے اور جب سجدہ سے اٹھتے تو اسے دوبارہ اٹھالیتے ۔ ابن جریج کہتے ہیں مجھے زید بن ابی عتاب ، عمرو بن سلیم کی سند سے خبر دی گئی ہے کہ وہ صبح کی نماز تھی ۔