22637 ۔۔۔ ابن ابی ملیکہ (رض) کی روایت ہے کہ رسول اللہ (صلی اللہ علیہ وآلہ وسلم) نے حضرت ابو محذورہ (رض) کو (مسجد حرم کی) اذان کی ذمہ داری سونپی پھر سیدنا حضرت عمر ابن خطاب (رض) مکہ مکرمہ تشریف لائے اور ” دارالرومہ “ میں نزول فرمایا اسی اثناء میں ابو محذورہ (رض) نے اذان دی اور پھر عمر (رض) کے پاس آئے اور سلام بجا لایا سیدنا حضرت عمر ابن خطاب (رض) نے فرمایا : اے ابو محذورہ تو کتنی اونچی آواز والا ہے ؟ کیا تو ڈرتا نہیں کہ شدت آواز کی وجہ سے کہیں تیر پیٹ پھٹ پڑے پھر فرمایا : اے ابو محذورہ ! تو ایسی سرزمین میں ہے جہاں شدید گرمی پڑتی ہے لہٰذا نماز کو ٹھنڈا کیا کرو اور پھر مزید ٹھنڈا کیا کرو پھر اذان دو اور پھر نماز کھڑی کرو تم اپنے پاس مجھے پاؤ گے ۔ (رواہ ابن سعد)