22660 ۔۔۔ حضرت عبداللہ ابن مسعود (رض) فرماتے ہیں کہ حضور اکرم (صلی اللہ علیہ وآلہ وسلم) جب نماز کے لیے کھڑے ہوتے تو پہلے تکبیر تحریمہ کہتے پھر یہ دعا پڑھتے ۔ ” انی وجھت وجھی للذی فطر السموات والارض حنیفا وما انا من المشرکین ان صلاتی ونسکی ومحیای ومماتی للہ رب العالمین لاشریک لہ وبذالک امرت وانا من المسلمین اللہم انت الملک لا الہ الا انت ربی وانا عبدک ظلمت نفسی واعترفت بذ نبی فاغفرلی ذنوبی جمیعا انہ لا یغفر الذنوب الا انت واھدنی لا حسن الاخلاق لا یدھی لاحسنھا الا انت واصرف عنی سیئیھا لا یصرف عنی سیئھا الا انت لبیک وسعدیک والخیر کلہ فی یدیک والشرلیس الیک انا بک والیک تبارکت وتعالیت استغفرک واتوب الیک “۔ ” میں نے اپنے آپ کو اس ذات کی طرف متوجہ کیا جو آسمانوں اور زمین کو پیدا کرنے والا ہے دراں حالیکہ میں حق کی طرف متوجہ ہونے والا اور دین باطل سے بیزار ہوں میں ان لوگوں میں سے نہیں ہوں جو شرک کرنے والے ہیں ، میری نماز ، میری عبادت ، میری زندگی اور میری موت خدا ہی کے لیے ہے جو دونوں جہانوں کا پالنے والا ہے جس کا کوئی شریک نہیں اسی کا مجھے حکم کیا گیا ہے اور میں فرمان بردار مسلمانوں میں سے ہوں یا اللہ تو بادشاہ ہے تیرے سوا کوئی معبود نہیں تو ہی میرا رب ہے اور میں تیرا بندہ ہوں میں نے اپنے نفس پر ظلم کیا ہے میں اپنے گناہوں کا اعتراف کرتا ہوں ۔ لہٰذا تو میرے سارے گناہوں کو بخش دے کیونکہ تیرے سوا کوئی اور گناہوں کو نہیں بخش سکتا ،۔ اور بہترین اخلاق کی طرف میری راہنمائی کر چونکہ تیرے سوا بہترین اخلاق کی طرف کوئی راہنمائی نہیں کرسکتا اور بدترین اخلاق کو مجھ سے دور کر دے چونکہ بجز تیرے اور کوئی بداخلاقی سے مجھے نہیں بچا سکتا ہے میں تیرے حضور حاضر ہوں اور تیرا حکم بجا لانے پر تیار ہوں تمام بھلائیاں تیرے ہاتھ میں ہیں اور برائی تیری جانب منسوب نہیں کی جاسکتی تیرے ہی سبب سے ہوں اور تیری ہی طرف رجوع کرتا ہوں تو بابرکت ہے اور بلند وعالی شان ہے میں تجھی سے مغفرت طلب کرتا ہوں اور تیری ہی طرف رجوع کرتا ہوں ۔ جب آپ (صلی اللہ علیہ وآلہ وسلم) رکوع میں جاتے تو یہ دعا پڑھتے ۔ ” اللہم لک رکعت وبک امنت ولک اسلمت خشع لک سمعی وبصری ومخی وعظمی عصی “۔ یا اللہ ! میں نے تیرے ہی لیے رکوع کیا اور تجھ پر ایمان لایا اور تیرے ہی لیے اسلام لایا اور میری بینائی ، میرا دماغ میری ہڈیاں اور پٹھے تیرے ہی لیے جھکے ہوئے ہیں۔ ور جب آپ (صلی اللہ علیہ وآلہ وسلم) رکوع سے سر اٹھاتے تو یہ دعا پڑھتے ۔ للہم ربنا لک الحمد ملا السموات والارض وما بینھما وملا ماشئت من شیء بعد “۔ یا اللہ ! اے ہمارے رب تیرے ہی لیے آسمانوں اور زمین کے برابر حمد ہے اور جو کچھ ان کے درمیان ہے اس کے برابر اور اس چیز کے برابر جو تو بعد میں پیدا کرے ۔ ور جب سجدہ میں جاتے تو یہ دعا پڑھتے : ” اللہم لک سجدت ولک امنت ولک اسلمت سجد وجھی للذی حلقہ وصورہ وشق سمعہ وبصرہ تبارک اللہ احسن الخالقین “۔ ” یا اللہ ! میں نے تیرے لیے سجدہ کیا تجھ پر ایمان لایا اور تیرے ہی لیے اسلام سے بہرہ ور ہوں ، میرے چہرہ نے اسی ذات کو سجدہ کیا جس نے اس کو پیدا کیا اس کو صورت دی اس کے کان کھولے اور اس کو آنکھ عطا فرمائی اللہ تعالیٰ بہت بابرکت اور بہت بہترین خالق ہے۔ ور پھر سب سے سے آخری دعا جو آپ (صلی اللہ علیہ وآلہ وسلم) التحیات اور سلام پھیرنے کے درمیان کرتے وہ یہ ہے۔ ” اللہم اغفرلی ما قدمت وما اخرت وما اسررت وما اعلنت وما اسرفت وما انت اعلم باء منی انت المقدم وانت المؤخر لا الہ الا انت “۔ یا اللہ میرے اگلے پچھلے گناہ معاف کردے اور ان گناہوں کو بخش دے جو میں نے پوشیدہ اور علانیہ کیے ہیں اور اس زیادتی کو بخش دے جو مجھ سے سرزد ہوئی ہے اور ان گناہوں کو بخش دے جن کا تو بخوبی علم رکھتا ہے تو ہی عزت و مرتبہ میں آگے کرنے والا ہے اور تو ہی پیچھے ڈالا والا ہے اور تیرے سوا کوئی معبود نہیں ۔ (رواہ الطبرانی وعبدالرزاق وابن ابی شیبہ ، والامام احمد بن حنبل ومسلم فی کتاب صلوۃ المسافرین والدارمی وابو داؤد والترمذی والنسائی وابن خزیمہ والطحاوی وابن الح اور د وابن حبان فی صحیحہ والدارقطنی والبیہقی)