22662 ۔۔۔ عاصم بن ضمرہ کی روایت ہے کہ سیدنا حضرت علی المرتضی (رض) رکوع میں یہ دعا پڑھتے ۔ للہم لک خشعت ولک رکعت ولک اسلمت وبک امنت وانت ربی وعلیک توکلت خشع لک سمعی ولحمی ودمی ومخی وعظمای وعصبی وشعری وبشری سبحان اللہ سبحان اللہ سبحان اللہ “۔ یا اللہ میں تیرے ہی آگے جھکتا ہوں اور تیرے ہی لیے رکوع کرتا ہوں اور تیرے ہی لیے اسلام لایا ہوں تجھی پر ایمان لایا ہوں اور تو میرا رب ہے ، تجھ ہی پر میں بھروسہ کرتا ہوں اور تیرے ہی لیے میرے کان میرے گوشت پوست میرا خون میرا دماغ میری ہڈیاں میرے پھٹے میرے بال اور میری جلد جھکی ہوئی ہے اللہ پاک ہے اللہ پاک ہے اللہ پاک ہے۔ جب آپ سمع اللہ لمن حمدہ کہتے تو اس کے بعد اللہم ربنا لک الحمد کہتے جب سجدہ کرتے تو یہ دعا پڑھتے ۔ ” اللہم لک سجدت ولک اسلمت لک امنت وعلیک توکلت وانت ربی سجد لک سمعی وبصری ولحمی ودمی وعظامی وعصبی وشعری وبشری سبحان اللہ سبحان اللہ سبحان اللہ “۔ یا اللہ ! میں نے تجھی کو سجدہ کیا اور تیرے ہی لیے اسلام لایا اور تجھ پر ایمان لایا اور تجھی پر بھروسہ کیا تو ہی میرا رب ہے اور تیرے ہی لیے میری قوت سماعت قوت بینائی میرے گوشت پوست میرے خون میری ہڈیوں میرے پٹھوں میرے بالوں اور میری جلد نے سجدہ کیا اللہ پاک ہے اللہ پاک ہے اللہ پاک ہے۔ (رواہ عبدالرزاق)