22665 ۔۔۔ ” مسند رافع بن خدیج (رض) “۔ ربیعہ بن حارث کی روایت ہے کہ رسول اللہ (صلی اللہ علیہ وآلہ وسلم) جب رکوع کرتے تو یہ دعا پڑھتے تھے ۔ ” اللہم لک رکعت وبک امنت ولک اسلمت وانت ربی خشع لک سمعی وبصری ولحمی ودمی وعصبی وعظمی ومخی وما ستقلت بہ قدمای للہ رب العالمین ربنا لک الحمد ملء السموات والارض وما شئت من شیء بعد “۔ ” یا اللہ ! میں نے تیرے ہی لیے رکوع کیا اور تجھ پر ہی ایمان لایا اور تیرے ہی لیے اسلام سے بہرہ مند ہوا تو ہی میرا رب ہے اور تیرے ہی لیے میری قوت سماعت قوت بینائی میرے گوشت پوست میرا خون، میرے پٹھے ، میری ہڈیاں میرا دماغ اور میرے قدموں کا استقلال جھکتا ہے اللہ ہی کی ذات تمام جہانوں کی پالنہار ہے۔ رکوع سے اوپر سر اٹھاتے ہوئے سمع اللہ لمن حمدہ ربنا لحمد کہتے ہوئے یہ دعا پڑھتے اے ہمارے رب آسمانوں اور زمین کے بقدر تیرے لیے حمد ہے اور ان کے بعد جس چیز کو تو وجود دے اس کے بقدر تیری حمد ہے۔ پھر جب سجدہ کرتے تو یہ دعا پڑھتے ۔ ” اللہم لک سجدت ربک امنت ولک اسلمت وانت ربی سجد وجھی للذی خلقہ وصورہ وشق سمعہ وبصرہ تبارک اللہ رب العالمین “۔ یا اللہ میں نے تیرے ہی لیے سجدہ کیا تجھ پر ایمان لایا اور تیرے ہی لیے اسلام لایا تو ہی میرا رب ہے میرے چہرے نے اس ذات کے لیے سجدہ کیا جس نے اسے پیدا کیا اسے صورت عطا کی اس میں کان پیدا کیے اور آنکھ عطا کی ۔ للہ تعالیٰ بہت برکت والا ہے جو تمام جہانوں کا پروردگار ہے۔ (رواہ ابن عساکر)