22676 ۔۔۔ مجاہد (رح) کہتے ہیں کہ ایک صحابی نے رکوع سے سر اٹھایا تو کہا : ” ربنا لک الحمد حمدا کثیرا طیبا مبارکا فیہ “۔ جب نبی کریم (صلی اللہ علیہ وآلہ وسلم) نے نماز پوری کی تو فرمایا : یہ کلمات کس نے کہے ہیں ، وہ صحابی خاموش رہے آپ (صلی اللہ علیہ وآلہ وسلم) نے پھر فرمایا : یہ کلمات کس نے کہے ہیں ؟ وہ صحابی (رض) بولے : یا رسول اللہ ! میں نے کہے ہیں : حضور اکرم (صلی اللہ علیہ وآلہ وسلم) نے ارشاد فرمایا : بارہ فرشتے ان کلمات کو لکھنے کے لیے ایک دوسرے پر سبقت لے جا رہے تھے ۔ (رواہ عبدالرزاق)