22678 ۔۔۔ حضرت عبداللہ ابن عباس (رض) کی روایت ہے کہ ذکر کے ساتھ آواز بلند کرنا جس وقت کہ لوگ فرض نماز سے فارغ ہوں حضور اکرم (صلی اللہ علیہ وآلہ وسلم) کے زمانہ میں ہوتا تھا ، حضرت عبداللہ ابن عباس (رض) کہتے ہیں جب لوگ نماز سے فارغ ہوتے تو میں اسے سنتا تو بخوبی جان لیتا تھا ۔ (رواہ عبدالرزاق، والبخاری فی کتاب الصلوۃ) فائدہ : ۔۔۔ اس ذکر سے وہ ذکر مراد نہیں جو ہندوستان وپاکستان میں بعض لوگوں نے رواج بنالیا ہے اور اسے ذکر بالجھر بعد از صلوۃ کا نام دیا گیا ہے اس ذکر کا بدعت ہونا دلائل سے ثابت ہوچکا ہے صحابہ کرام رضوان اللہ تعالیٰ عنہم اجمعین کے دور میں جو ذکر ہوتا تھا یا جس کا بیان حدیث بالا میں ہوا ہے اس سے مراد یہ ہے کہ سلام پھیرنے کے بعد ہلکی دھیمی آواز سے اللہ اکبر سبحان اللہ یا الحمد اللہ کہنا ہے۔