22720 ۔۔۔ ابن جریر کی روایت ہے کہ ایک مرتبہ حمید ضمیر (رض) نے حضرت عبداللہ ابن عباس (رض) سے پوچھا : میں مسافر ہوں آیا کہ دوران سفر نماز میں قصر کروں یا نماز پوری پڑھوں ؟ حضرت عبداللہ ابن عباس (رض) نے فرمایا : تم قصر نہیں کرو گے بلکہ پوری نماز پڑھو گے ۔ چنانچہ رسول اللہ (صلی اللہ علیہ وآلہ وسلم) بےخوف سفر پر نکلتے تھے اور سوائے اللہ کے کسی سے نہیں ڈرتے تھے آپ (چار رکعت والی نماز) دو رکعت پڑھتے تھے حتی کہ واپس لوٹ آتے پھر ان کے بعد سیدنا حضرت ابوبکر صدیق (رض) سفر پر نکلتے تھے اور وہ بھی سوائے اللہ تبارک وتعالیٰ کے کسی سے نہیں ڈرتے تھے اور وہ بھی دو رکعتیں پڑھتے تھے حتی کہ سفر سے واپس لوٹ آتے ۔ پھر ان کے بعد سیدنا حضرت عمر ابن خطاب (رض) بھی اور سوائے اللہ کے کسی سے نہیں ڈرتے تھے دوران سفر دو رکعتیں پڑھتے تھے حتی کہ واپس لوٹ آتے پھر ان کے بعد سیدنا حضرت عثمان ذوالنورین (رض) اپنے دور خلافت کے ابتدائی تہائی حصہ میں ایسا ہی کرتے تھے لیکن اس کے بعد انھوں نے چار رکعتیں پڑھیں (قصر نہیں کی ) پھر بنوامیہ نے بھی اسی کو لے لیا (یعنی سفر میں قصر کی بجائے چار رکعتیں پوری پڑھنے لگے ) ابن جریج کہتے ہیں ہمیں خبر پہنچی کہ سیدنا حضرت عثمان ذوالنورین (رض) نے صرف منی میں چار رکعتیں پڑھی ہیں چونکہ ایک اعرابی نے مسجد خیف میں بآواز بلند کہا تھا کہ اے امیر المؤمنین ! میں گزشتہ سال سے مسلسل دو دو رکعتیں پڑھتا چلا آ رہا ہوں چونکہ جو میں نے آپ کو دو رکعتیں پڑھتے دیکھا تھا ، لہٰذا سیدنا حضرت عثمان ذوالنورین (رض) کو اندیشہ لاحق ہوا کہ جاہل لوگ کہیں یہی نہ گمان کرلیں کہ نماز فی الواقع ہے ہی دو رکعتیں ۔ اس وجہ سے انھوں نے منی میں چار رکعتیں پڑھی تھیں۔ (رواہ الدارقطنی وعبدالرزاق)