22754 ۔۔۔ جویبر طلحہ بن سماح سے روایت کرتے ہیں کہ عبدی اللہ بن معمر قرشی نے حضرت عبداللہ ابن عمرو (رض) کو خط لکھا ار اس وقت عبداللہ بن عمر (رض) امیر فارس تھے ۔ چنانچہ انھوں نے لکھا کہ ہم نے یہاں قرار پکڑ لیا ہے اور ہمیں دشمن کا خوف بھی نہیں نیز ہمیں سات سال گزر چکے ہیں اور ہماری کافی ساری اولاد بھی پیدا ہوچکی ہے لہٰذا ہماری نماز کس قدر ہوگی ؟ حضرت عبداللہ ابن عمرو (رض) نے جواب لکھا : تمہاری نماز دو رکعت ہے اس پر عبداللہ بن معمر (رض) نے کچھ تردد ظاہر کیا اور پھر خط لکھا ۔ حضرت عبداللہ ابن عمرو (رض) نے جواب لکھا : میں نے تمہاری طرف حضور اکرم (صلی اللہ علیہ وآلہ وسلم) کی سنت لکھ بھیجی ہے اور میں نے حضور اکرم (صلی اللہ علیہ وآلہ وسلم) کو ارشاد فرماتے سنا ہے کہ جو میری سنت پر چلا وہ مجھ سے ہے اور جس نے میری سنت سے منہ موڑا اس کا مجھ سے کوئی تعلق نہیں ۔ (رواہ ابن عساکر) کلام : ۔۔۔ یہ حدیث ضعیف ہے دیکھئے ۔ الاباطیل 423 ۔