22779 ۔۔۔ حضرت عبداللہ ابن عباس (رض) فرماتے ہیں بلاشبہ اللہ تبارک وتعالیٰ نے تمام نمازوں کا حکم نازل کیا ہے چنانچہ مسافر پر بھی ایک طرح کی نماز فرض کی ہے اور مقیم پر بھی ایک طرح کی نماز فرض کی ہے لہٰذا مقیم کے لیے جائز نہیں کہ وہ مسافر کی نماز پڑھے اور نہ ہی مسافر کے لیے جائز ہے کہ وہ مقیم کی نماز پڑھے ۔ (رواہ عبدالرزاق) فائدہ : ۔۔۔ حضرت عبداللہ ابن عباس (رض) کا یہی اثر اصل الاصول ہے اور اسی کو فقہائے احناف نے لیا ہے چنانچہ حنیفہ کے نزدیک سفر میں رخصت پر عمل کرنا واجب ہے بالفرض اگر کسی نے پوری نماز پڑھ لی (چار رکعت والی) تو دو رکعتیں فرض اور دو نفل شمار ہوں گی اور مقیم کے لیے بہرصورت کسی طرح جائز نہیں کہ قصر نماز پڑھے یا جمع بین الصلوتین کرے ۔