22814 ۔۔۔ حضرت ابی (رض) کی ہی روایت ہے کہ ایک آدمی تھا میں نہیں جانتا کہ اہل مدینہ میں اس کے گھر سے کسی اور کا گھر مسجد نبوی سے اتنا زیادہ دور ہو جتنا کہ اس کا تھا چنانچہ اس کی کوئی نماز بھی مسجد سے خطا نہیں ہوتی تھی ، میں نے اس سے کہا : اگر تم کوئی گدھا خریدو جس پر تم گرمی اور تاریکی میں سوار ہولیا کرو ؟ وہ بولا ! مجھے یہ بھی پسند نہیں کہ میرا گھر مسجد کے پہلو میں ہو ابی (رض) کہتے ہیں میں نے اس کی یہ بات رسول اللہ (صلی اللہ علیہ وآلہ وسلم) سے عرض کردی آپ (صلی اللہ علیہ وآلہ وسلم) نے اسے بلا کر پوچھا : اس نے عرض کیا : یا رسول اللہ ! میرا ارادہ ہے کہ میرا مسجد کی طرف جانا (یعنی اٹھنے والے قدم) بھی لکھے جائیں اور اہل خانہ کی طرف واپسی بھی لکھی جائے رسول اللہ (صلی اللہ علیہ وآلہ وسلم) نے فرمایا : اللہ تبارک وتعالیٰ نے تمہیں یہ سب عطا کردیا ہے اور تم نے جس اجر وثواب کا ارادہ کیا ہے وہ بھی اللہ تبارک وتعالیٰ تمہیں عطا کرے ۔ (رواہ ابو داؤد ، فی کتاب الصلوۃ)