22822 ۔۔۔ حضرت ابوہریرہ (رض) فرماتے ہیں : تم میں سے جس آدمی کو بھی نماز روکے رکھتی ہے وہ نماز کے حکم میں ہوتا ہے چونکہ اسے اپنے اہل خانہ کے پاس واپس لوٹنے میں رکاوٹ صرف نماز ہی ہوتی ہے اور تم میں سے جو بھی اپنے مصلی پر بیٹھا رہتا ہے فرشتے اس کے حق میں رحمت کی دعا کرتے رہتے ہیں کہ یا اللہ ! اس کی مغفرت فرما اور اسے غریق رحمت کر دے فرشتے اس کے لیے دعا کرتے رہتے ہیں جب تک کہ اسے حدث نہ لاحق ہوجائے یا کسی کو اذیت نہ پہنچا دے اور اگر اسے حدث لاحق ہوجائے (یعنی وضو ٹوٹ جائے) تو جب تک وہ وضو نہ کرلے اس کی نماز نہیں قبول کی جاتی ۔ (رواہ ابن جریر)