22848 ۔۔۔ عمرو بن سلمہ جرمی (رض) اپنے والد سے روایت کرتے ہیں کہ ان کی قوم کا ایک وفد حضور اکرم (صلی اللہ علیہ وآلہ وسلم) کی خدمت میں حاضر ہوا جب آپ (صلی اللہ علیہ وآلہ وسلم) کی خدمت میں واپس لوٹنے لگے تو ہم نے پوچھا : یا رسول اللہ (صلی اللہ علیہ وآلہ وسلم) ہماری امامت کون کرائے گا ؟ آپ (صلی اللہ علیہ وآلہ وسلم) نے حکم دیا : تم میں جسے سب سے زیادہ قرآن مجید یاد ہو ، چنانچہ قبیلہ میں سب سے زیادہ قرآن مجھے یاد تھا اور وہ مجھے نماز پڑھانے کے لیے آگے بڑھا دیتے حالانکہ میں اس وقت لڑکا تھا ، چنانچہ میں لوگوں کو نماز پڑھاتا اور میں نے اپنے اوپر ایک چادر اوڑھ رکھی تھی اس کے بعد میں جب بھی قبیلہ جرم کے کسی مجمع میں حاضر ہوتا میں ضرور ان کا امام بنتا اور میں آج تک ان کے جنازوں پر نماز پڑھا رہا ہوں ۔ (رواہ ابن ابی شیبۃ)