22850 ۔۔۔ حضرت ابو سعید (رض) کی روایت ہے کہ ایک مرتبہ حضور اکرم (صلی اللہ علیہ وآلہ وسلم) نے ہمیں اس مسجد میں فجر کی نماز پڑھائی اور قصار مفصل میں سے دو چھوٹی چھوٹی سورتیں پڑھیں نماز سے فارغ ہو کر آپ ہماری طرف متوجہ ہوئے اور ہم آپ (صلی اللہ علیہ وآلہ وسلم) کو مختصر قرات پر اجنبیت سے دیکھنے لگے ۔ آخر ہم نے عرض کیا : یا رسول اللہ ! آج آپ نے ہمیں بہت مختصر نماز پڑھائی ہے۔ حالانکہ آپ اتنی مختصر نماز ہمیں نہیں پڑھاتے تھے ارشاد فرمایا : کیا تم نے عورتوں کی صف میں ایک بچے کو روتے ہوئے نہیں سنا لہٰذا میں نے چاہا کہ اس کی ماں جلدی فارغ ہوجائے اور اپنے بچے کی خبر لے تب میں نے نماز کو مختصر کرلیا ، (رواہ ابن النجار)