22858 ۔۔۔ نافع کی روایت ہے کہ ایک مرتبہ مدینہ منورہ کی ایک مسجد میں نماز کھڑی کی گئی اور اس مسجد کے قریب حضرت عبداللہ ابن عمرو (رض) کی زمین بھی تھی جب کہ اس مسجد کا امام ایک آزاد کردہ غلام تھا اتنے میں حضرت عبداللہ ابن عمرو (رض) نماز پڑھنے کے لیے مسجد میں تشریف لائے وہ آزاد غلام حضرت عبداللہ ابن عمرو (رض) سے کہنے لگا آگے بڑھیے اور لوگوں کو نماز پڑھائیے حضرت عبداللہ ابن عمرو (رض) نے فرمایا :، تم اس کے زیادہ حقدار ہو کہ لوگوں کو نماز پڑھاؤ چونکہ یہ تمہاری مسجد ہے چنانچہ اس آزاد کردہ غلام نے نماز پڑھائی ۔ (رواہ عبدالرزاق)