22866 ۔۔۔ حضرت جابر بن سمرہ (رض) کی روایت ہے کہ اہل کوفہ نے سیدنا حضرت عمر ابن خطاب (رض) سے شکایت کی کہ سعد (رض) اچھی طرح سے انھیں نماز نہیں پڑھاتے ،۔ سیدنا حضرت عمر ابن خطاب (رض) نے سعد (رض) سے اس کی وجہ دریافت کی اس پر سعد (رض) نے کہا : میں تو انھیں رسول کریم (صلی اللہ علیہ وآلہ وسلم) کی سی نماز پڑھاتا ہوں اور اس میں سے کچھ نہیں چھوڑتا پہلی دو رکعتوں کو پوری پوری پڑھاتا ہوں اور آخری دو رکعتوں کو مختصر کرتا ہوں ، سیدنا حضرت عمر ابن خطاب (رض) نے فرمایا : اے ابو اسحاق ! یہ تمہارے بارے میں لوگوں کی بدگمانی ہے ۔۔ (رواہ عبدالرزاق، والبخاری ومسلم وابو داؤد النسائی ، وابو یعلی وابو نعیم فی المعرفہ)