22929 ۔۔۔ حزم بن ابی بن کعب (رض) کی روایت ہے کہ ایک مرتبہ حضرت معاذ بن جبل (رض) کے پاس سے گزرے دراں حالیکہ معاذ (رض) اپنی قوم کو مغرب کی نماز پڑھا رہے تھے اور سورت بقرہ شروع کر رکھی تھی حزم (رض) نے الگ سے اپنی نماز پڑھی اور چلتے بنے ۔ صبح کو معاذ (رض) حضور اکرم (صلی اللہ علیہ وآلہ وسلم) کی خدمت میں حاضر ہوئے اور عرض کیا : یا نبی اللہ ! حزم نے رات کو اپنی طرف سے ایک نئی بات گھڑی ہے مجھے نہیں معلوم کہ وہ کیسے ؟ اتنے میں حزم (رض) آگئے اور عرض کیا : یا نبی اللہ ! میرا گذر معاذ (رض) کے پاس سے ہوا انھوں نے ایک لمبی سورت شروع کر رکھی تھی اور میں نے الگ اچھی طرح سے اپنی نماز پڑھ لی اور پھر میں چل پڑا۔ آپ (صلی اللہ علیہ وآلہ وسلم) نے فرمایا : اے معاذ ! فتنے کا باعث مت بنو بلاشبہ تمہارے پیچھے ناتواں بھی وہ سکتا تھا بوڑھا بھی ہوسکتا ہے اور حاجتمند بھی ہوسکتا ہے۔ (رواہ الرویانی والبغوی ، وابو نعیم و سعید بن المنصور) کلام : ۔۔۔ امام بغوی (رح) کہتے ہیں مجھے نہیں معلوم کہ اس حدیث کی اس کے علاوہ کوئی اور سند بھی ہو ۔