22956 ۔۔۔ حضرت ابودرداء (رض) روایت کرتے ہیں کہ ایک آدمی نے پوچھا : یا رسول اللہ (صلی اللہ علیہ وآلہ وسلم) ! ہر نماز میں قرات ہے ؟ آپ (صلی اللہ علیہ وآلہ وسلم) نے فرمایا : جی ہاں ، ایک آدمی بولا : واجب ہے واجب ہے حضرت ابو درداء (رض) کہتے ہیں : میں نہیں سمجھتا کہ امام جب لوگوں کی امامت کررہا ہو مگر یہ کہ وہ ان کے لیے کافی ہے۔ (رواہ البیہقی فی القراۃ) فائدہ : ۔۔۔ ان دونوں حدیثوں میں حضرت ابو درداء (رض) نے امام کو مقتدیوں کے لیے کافی سمجھا ہے یعنی امام کی قرات مقتدیوں کی قرات کے لیے کافی ہے مقتدیوں کو قرات کی ضرورت نہیں۔