22968 ۔۔۔ ابو قلابہ محمد بن ابو عائشہ کے واسطہ سے ایک صحابی کی حدیث نقل کرتے ہیں کہ حضور اکرم (صلی اللہ علیہ وآلہ وسلم) نے فرمایا : شاید تم قرات کرتے ہو دراں حالیکہ امام بھی قرات کررہا ہوتا ہے صحابہ کرام رضوان اللہ تعالیٰ عنہم اجمعین نے عرض کیا : جی ہاں ہم قرات کرتے ہیں ، ارشاد فرمایا : ایسا مت کرو الا یہ کہ تم میں سے کوئی دل ہی دل میں فاتحۃ الکتاب پڑھ لے ۔۔ (رواہ البیہقی فی القراۃ) فائدہ : ۔۔۔ بیہقی (رح) کہتے ہیں صحابی کا مجہول ہونا حدیث کی پختگی میں باعث ضرر نہیں چونکہ ہر صحابی ثقہ ہوتا ہے ، اور محمد بن ابی عائشہ کے متعلق امام بخاری (رح) نے اپنی تاریخ میں ذکر کیا ہے کہ وہ بنی امیہ کا آزاد کردہ غلام ہے اور ابو قلابہ اکابر تابعین میں سے ہیں۔ بیہقی (رح) کی اس تفصیل سے ثابت ہوا کہ یہ حدیث بےغبار ہے چونکہ اس کے راوی ثقہ ہیں۔