22983 ۔۔۔ حضرت انس بن مالک (رض) کی روایت ہے کہ حضور اکرم (صلی اللہ علیہ وآلہ وسلم) نے ایک مرتبہ اپنے صحابہ کرام رضوان اللہ تعالیٰ عنہم اجمعین کو نماز پڑھائی ، جب نماز سے فارغ ہوئے تو صحابہ کرام رضوان اللہ تعالیٰ عنہم اجمعین کی طرف متوجہ ہو کر فرمایا : کیا تم اپنی نماز میں امام کے پیچھے قرات کرتے ہو دراں حالیکہ امام بھی قرات کررہا ہوتا ہے ؟ صحابہ کرام رضوان اللہ تعالیٰ عنہم اجمعین خاموش رہے آپ (صلی اللہ علیہ وآلہ وسلم) نے تین بار پوچھا : اس پر کسی ایک نے یا سب نے جواب دیا : ہم قرات کرتے ہیں حکم ہوا امام کی پیچھے قرات مت کرو وہاں جو کرنا بھی چاہے تو دل دل میں فاتحۃ الکتاب پڑھ لیا کرے۔ (رواہ البیہقی فی القراۃ)