23030 ۔۔۔ عبدالعزیزبن رفیع (رض) روایت کرتے ہیں کہ اہل مدینہ کا ایک آدمی جس کا تعلق انصار سے تھا کہتا ہے کہ ایک مرتبہ حضور اکرم (صلی اللہ علیہ وآلہ وسلم) نے میرے پاؤں کی چاپ سنی آپ (صلی اللہ علیہ وآلہ وسلم) سجدہ میں تھے جب نماز سے فارغ ہوئے تو فرمایا : میں نے کسی کے قدموں کی چاپ سنی ہے ؟ عرض کیا یارسول اللہ (صلی اللہ علیہ وآلہ وسلم) میں ہوں ۔ فرمایا : تم نے کیا کیا کہا کہ میں نے آپ (صلی اللہ علیہ وآلہ وسلم) کو سجدہ میں پایا لہٰذا میں بھی سجدہ میں چلا گیا ارشاد فرمایا تم بھی اسی طرح کیا کرو اور اس رکعت کو شمار میں نہ لاؤ جو شخص بھی مجھے رکوع یا قیام یا سجدہ میں پائے اسے چاہیے کہ اسی حالت میں میرے ساتھ شامل ہوجائے (رواہ ابن ابی شیبۃ)