23036 ۔۔۔ عبدالرحمن بن ابولیلی کہتے ہیں کہ حضور اکرم (صلی اللہ علیہ وآلہ وسلم) کے زمانہ میں جب کوئی آدمی (مسجد میں) آتا دراں حالیکہ کچھ نماز فوت ہوچکی ہوتی تو لوگ اس کی طرف اشارہ کرتے وہ فوت شدہ نماز پڑھتا اور پھر امام کے ساتھ نماز میں داخل ہوجاتا ، چنانچہ ایک دن حضرت معاذ بن جبل (رض) مسجد میں آئے اور لوگوں نے ان کی طرف اشارہ کیا انھوں نے لوگوں کے اشارہ کی طرف مطلق توجہ نہ کی اور نماز میں شامل ہوگئے جب حضور اکرم (صلی اللہ علیہ وآلہ وسلم) نماز سے فارغ ہوئے لوگوں نے ان سے ذکر کیا تو آپ (صلی اللہ علیہ وآلہ وسلم) نے فرمایا : معاذ نے تمہارے لیے ایک سنت جاری کردی ہے۔ (رواہ عبدالرزاق)