23079 ۔۔۔ ” مسند صدیق اکبر (رض) “ ابوضمرہ کہتے ہیں کہ ایک مرتبہ سیدنا حضرت ابوبکر صدیق (رض) نے لوگوں سے خطاب کیا اور حمد وثناء کے بعد فرمایا : عنقریب تمہارے لیے ملک شام فتح کیا جائے گا اور تم (شام کی) مانوس سرزمین میں قدم رکھو گے (اس میں آباد ہو کر) تم روٹی اور تیل سے پیٹ بھروگے سرزمین شام میں تمہارے لیے مسجدیں بنائی جائیں گی اس سے بچنا کہ اللہ تبارک وتعالیٰ تمہیں ان مساجد میں لہو ولعب کے لیے آتا دیکھتے چونکہ یہ مساجد تو اللہ تعالیٰ کی یاد کے لیے بنائی جاتی ہیں۔ (رواہ الامام احمد بن حنبل)