23123 ۔۔۔ اوسلمہ ، عبدالرحمن کے سلسلہ سند سے مروی ہے کہ اہل صفہ کے ایک آدمی کا کہنا ہے کہ حضور اکرم (صلی اللہ علیہ وآلہ وسلم) نے مجھے دعوت دی اور میرے ساتھ اہل صفہ کی ایک جماعت بھی تھی چنانچہ ہم نیے رات کا کھانا آپ (صلی اللہ علیہ وآلہ وسلم) کے ہاں کھایا پھر آپ (صلی اللہ علیہ وآلہ وسلم) نے فرمایا : اگر تم چاہو تو یہیں سو جاؤ اور چاہو تو مسجد میں جا کر سو جاؤ ۔ ہم نے عرض کیا کہ ہم مسجد میں جائیں گے چنانچہ ہم مسجد میں سویا کرتے تھے ۔ (رواہ عبدالرزاق فی مصنفہ)